郭晉安歐倩怡離婚丨郭晉安當年與劉小慧拍拖被奪愛　安仔認曾怨恨蘇志威

郭晉安與歐倩怡（Cindy）在昨日（5月2日）突然宣布離婚，而且驚爆他們早在兩年前已分居，表示結束18年婚姻：「是經過雙方深思熟慮的決定及溝通。」

安仔與歐倩怡在2006年結婚，婚後育有一子一女。而郭晉安曾在TVB節目《志雲飯局》受訪時稱，在歐倩怡之前只拍兩次拖情，當時更笑指自己的初戀是「遲戀」，在22歲才第一次拍拖，當時他簽約盧國沾旗下，與同公司的歌手展戀情，可是後來安仔正式入行後工作忙碌，一年也相見不到幾次，便自然地分手了。

至於第二段情是很多人也知道的劉小慧，他們拍TVB《成功路上》時認識，在半年後齊到福建拍電影《雙鐲》展開戀情。

郭晉安歐倩怡離婚丨歐倩怡早認夫妻感情漸淡　郭晉安手持值9千萬物業全不留妻兒

▲ 郭晉安昨晚在個人社交平台發文宣布離婚。

郭晉安與劉小慧拍拖4年，他讚劉小慧有義氣又開朗，當年自己與經理人陷法律糾紛，女方陪過難關，而郭晉安更曾計劃與她結婚，稱：「當時拍一套電視劇《龍門客棧》，我第一次搵返錢可以搵到20幾萬，我哋嗰陣時有憧憬過不如下一年結婚囉，點知嗰陣時就出事了，就係分手。」

當被陳志雲追問分手原因，郭晉安坦言：「出現咗第三者囉！」問安仔如何發現有第三者，他表示：「嗰個感應係唔知點解突然間好唔舒服，有晚打完牌我打電話畀佢，我話感覺好唔舒服，我哋中間係咪出現咗啲問題，開始大家傾，咁就知道了。」

▼點擊圖片放大

+8

+7

不再怨恨劉小慧

安仔回憶當時不斷思考情變原因究竟是自己問題或對方問題，還是是第三者問題，稱：「困擾咗我有成一年嘅時間，但我都要表現到冇事啦，其實係好有事、好嚴重㗎。」

郭晉安反省表示：「原來我發現呢段感情係好刻骨銘心，原來除咗愛情，我哋仲建立咗一份感情，但愛情可能已經係好少，其實我哋兩個都需要嘅係中間嘅激情，但冇咗。」

當陳志雲問郭晉安有否怨過劉小慧，他坦白地表示：「啱啱分開嘅時候梗係有，但之後就冇了。（你又有冇怨過第三者蘇志威？）會，會！呢個係人性嘅一部份，我唔知點樣令自己釋懷，開頭我同劉小慧講嘅時候都好憤恨，直至大半年之後就冇事了。我之後同蘇志威都拍過劇集，都冇事。而我同劉小慧直至佢生完第一個小朋友，大家再相處返就做返朋友了。」

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5